النيل بفيض عزة
النيل بفيض عزة
و شمس تزيدنا سمار
ناس أصلهم طيبة
و الجار بحب الجار
في السمحة تلقاهم
و في الحارة برضو كتار
وانا قلبي مليون ميل
النص ملان هيبة
والتاني فيهو أزهار
فيهو الشمس تشرق
تغازل المحبوب
فيو من طرب وردي
في الشعر فيو محجوب
فيهو عزة الشهداء
فيهو بسمة المحبوب
زي نخلة في بستان
دفيقا شال يدوب
والبسمة ضواية
ضوت علينا دروب
فيو السلك بنجر
صفقت تدخل تب
درعت سريع توبها
كرم الضيافة وجب
ماهم ياخ هو منو
يا ربي بس في حطب
فيو في الغرب دارفور
العالي دوم كعبا
ديل أرضهم من نور
ديل الكسو الكعبة
فيو المعليق وام روابة
في في الجنوب اخوان و غابة
حلفا الأبيض والقضارف
فيهو الضعين الخيرها وارف
في شندي تلقى المعجزات
ديل علمو الجبل الثبات
فيو الحردلو و ود البنا
ديل البي قولهم عاقل جن
فيو ليلى وامدرمان وناسا
ديل منبع الأخلاق وساسا
السمحة جات السمحة وين
قالت لي ياخ انا من بدين
يلاك نمشي على الشرق
اصلو المحبة هناك عرق
ادروب دبايوا كيتوا اوجات كيها
وبعد التحية والسلام
شرينا قهوة بزنجبيل
وبقينا بين حسنين
تاجوج وعين توتيل
وسرحت في تلك العيون
اريتني اقدر اوصفها
هي جمال فات حد الجمال
وحروفي جت ما منصفه
انا لا أتذكر أني قابلت إمرأة
عيناها تغسل احزاني
والهدب سهام صوبها
والعشق الغاشم فرماني
فاتيت القاضي اشكيها
والقاضي قال انا الجاني
عيناها خلقت كي تأسر
فلماذا النظر بامعاني
فابتسمت بسمة منتصر
والبسمة زادت نيراني
والتفتت ومضت في ترف
ولهيب المقلة يصلاني
يا طعم النار يا طعم الثلج
يا قطعة سكر انا لا أتذكر
شايقية كواهلة وبقارة
الأرض الهلت انوارا
ميدوب وزعاوة وشكرية
مع دينكا وزاندي وجعلية
فيو نوبي ونوبة ودقت نوبة
هديك محبوبة مشينا دوربا
ودربنا طال السكة تروس
السكة عساكر سكتنا نضال
انت سوداني وسوداني انا
ضمنا الوادي فمن يفصلنا
منقو قول لا عاش من يفصلنا
ح تقولها كيف ؟
فصلونا يا منقو !!
ولمن نقول الحق
بقولو ناس بنقو
المشكلة فينا اللي بشبه أرضنا
فينا اللي غير فينا
اللي شارين الوطن
فينا اللي بايعين الضمير
ومرقتا شان ابني الوطن
ما كنا عارفين المصير
ومرقتا شايل لي كتاب
ورجعت شايليني في سرير
أو عنقريب ما بنتختلف
الحب شنو
الحب ولف والموت هو موت
ان كان وليد أو كان الف
الحل شنو ؟
اها كيف وكيف
قالوا البلد حالها بقيف
لو نحن واصلنا الخراب
نحن كفار مجرمين
هم الصحاب
هم اللي حافظين الكتاب
ونحن السجم
شن جاب لي جاب
واصل نضالك يا سجم
فالأرض تبنى من عدم
خضناها نيران الدروب
وسكبنا فوق السكة دم
اطلق سراح هذا الجناح
فالقول مباح والحب مباح
أرضا سلاح الفجر لاح
والصبح لاح والله لاح