الدوبيت

ﺧﺎﻭﻱ ﺍﻟﺒﻘﻠﻌﻮ ﺍﻟﺘﻮﺏ ﻣﻨﻬﻢ ﻭﺇﻛﺴﻮﻟﻚ
ﺑﺰﻳﺪﻭﻙ ﺧﻴﺮ ﻭﺍﻛﺎﻥ ﻣﺎ ﺯﺩﺕ ﻣﺎﺑﻴﺤﺴﻮﻟﻚ
ﺧﻮﺓ ﺩﻳﻞ ﺍﺻﻴﻠﺔ ﺍﻥ ﻏﺒﺘﺎ ﻣﺎ ﺑﻨﺴﻮﻟﻚ
ﻭﻧﺎﺱ ﺍﻟﻮﻧﺴﺔ ﺳﺎﻋﺔ ﺍﻟﺤﺎﺭﺓ ﺑﺘﻔﻨﺴﻮﻟﻚ

مصايب الدنيا والزمن البغيير
قاسي تبدل المن تبه خيير
شمايلن فينا يام حسنن بحيير
عليها بغني بالبحر القصيير

ان درتو الحديث الموخمج ومحكر
اسمعو بي إستناط قبل المزاج إتعكر
النضم المجيه في الرجاله موكر
بحقوهو ناسا” ضمه غير العسكر

اللاقيتو في نهاريه خلقه محفل
جاب لى قلبي شحتافه وبقيت اتطفل
طرفو الخاتي ، قلبي غرامو بيهو اتكفل
طبلون عشقي طللق ارمي هن ما قفل

قمر السبعتين الضوا ما لاقاني ..
ومالاقيت بعد محبوبي قمراً تاني ..
أنا يامروة كان الله الكريم أداني ..
أشريي ووأوزعو لخلق الله بالمجاني ..

علي خدي يا دموع الفرح
كان صدري ضيق وانشرح
دي آخرة الألم اللقيتو
في اول الأحزان جرح

ﻳﺎ ﺣﺒﻴﺐ ﺍﻟﺮﻭﺡ ﻳﺎ ﺍﻟﻤﻼﻙ ﺫﻭﻗﻚ
ﺭﻭﺣﻲ ﻣﺸﺘﻬﻴﺎﻙ ﻣﻴﺘﺔ ﺑﻲ ﺷﻮﻗﻚ
ﻳﺎ ﻗﻤﻴﺮﻱ ﺍﻟﺪﻭﺡ ﺳﻮﻱ ﻟﻲ ﻗﻮﻗﻚ

ﻳﺎﻟﺠﺎﻫﻠﻪ ﺍﻟﻤﺴﻬﺮﻩ ﻋﻴﻨﻪ ﻳﻮﺕ ﻟﻠﺸﺮﻗﻪ
ﺍﻟﺮﺍﺩﻙ ﻣﺒﺸﺮ ﺑﺎﻟﺤﺘﻞ ﻭﺍﻟﻐﺮﻗﻪ
ﺍﻫﻠﻚ ﺑﻬﺪﻟﻮﻧﺎ ﻭﺣﺠﺮﻭﻙ ﺍﻟﻤﺮﻗﻪ
ﻣﺎﺧﻠﻮﻟﻨﺎ ﺣﻴﻠﺘﻦ ﻏﻴﺮ ﻧﺠﻴﻚ ﺑﺎﻟﺴﺮﻗﻪ

من يوم فتي قلبي تراهو في آلامو
هداهو إبتعادك والدهر واحكامو
اخفي البيا وأصبر كان تحن ايامو
دمع الشوق يقطر وطرفي يابا منامو

عشنا ايام في عمرنا.. كان مناي لو ربي عادِن
كلما تجمعنا ذكرى.. هن بزيدن في بُعادِن
و كلما اتواعدنا نرجع.. أصلو ما بيصدق ميعادِن
الزمان في الناس بيغيّر .. في القلوب، و الناس معادِن