وطن ردناهو
نسرين
(( وطن ردناهو و ما رادنا
زادهم وصل و نحن وين زادنا …..
أسياد ،
ربنا و ربكم و رب العباد
أدانا أرض حدادي مدادي
أكلتو اسيادكم
و جوعتونا …..
أم الشهيد تبكي
أم الشهيد تبكي
و بكتني معاها ،
يا أمي ما تبكي كلنا معاكي بناتك و أولادك……
‘انتو منو’ ؟ و جيتو من وين ؟
عشان تبكونا……
كنّا زمان بنغني أغاني
كنّا زمان بنغني
أغاني
و نعزف الأنغام
ملت السما طرب و ألحان
شجية …..
سرقتونا
و مرقنا
من كل حي
مرقنا
من كل مدينة ،
و بعد مرقنا قتلتونا …….
بعد قتلتونا
ما متنا
ياهو نحن زاتنا
ما متنا
ماتت الجثة
و الروح لسا
في السما بتغني
أغاني
بي ألحان
شجية
لسا نحن ما متنا ……
٢٢/١١/٢٠٢٢