ساهرت بي طيفك

ساهرت بي طيفك

شبعني منك شوق

سيد المزاج كيفك؟

طمني يا المعشوق

كيف الظروف وياك

والدنيا والايام

ياسيد مسارب الروح

زائد حنين وغرام؟

حرف الغنا اللولاي

هدهد رؤاك ونام

طابع هواي في الجوف

ولا الحروف قيفك ؟

طمني يالمعشوق

سيد المزاج كيفك

فارع قوامك ليل

عينيك عشم تربال

خضر جروفو النيل

سترة ونداواة حال

ولما الكتوف بتميل

كتفك بيسند المال

مالك علي الحابيك؟

راجيه تشريفك

طمني يا المعشوق

سيد المزاج كيفك

انا لى ريدك لوح

اياتو من اخلاص

ولى في هواك شروح

دروشت بيك خلاص

زي المجاذيب يوت

لي في حداك مناص

سبحت بي حبك

وغنيت علي كيفك

طمني يالمعشوق

سيد المزاج كيفك

ساهرت بي طيفك

وشبعني منك شوق