الحلمنتيشي

قالت تسمح و كيف يا الحلوة ما بسمح
أصابعي العشرة تكتب ليك و قلبي أبقيه إستيكة
عشان بس للغلط يمسح يذوب بين أصبعين حلوين
يتوه وسط السطور يسرح و لمن تنتهي الكلمات

إنتي زعلانة وأظنك ماكي عارفه سؤالي عنك
يالزيزة الكلك يجنك عايز اكون انا أبقى منك
أي حاجة قريبة منك
كان أبوكي كان أخوكي أبقى أمك
أبقى واحد من ضيوفكم أبقى عمك

أقمت بأرض شرق النيل مالي وكل الناس فر من القتال
وصار الحي صياً يا صحابي بيوت الحي فارقها الأهالي
وقد دقشوا القرى والريف حتى تستف منهم الريف المثالي
وآواهم جزاه الله خيرا فأهل الريف هم أهل النوال

Last week I was sitting جنب ال river
Smoking a cigarette والدماغ متكيفة
Watching the moon وكراعي holding خالفا
I saw a man شابا صغير But he was متقندفا

روح يا نسيم جيب لي منو………..News

انا عقلي اتبدل قربت ليه…….To Loose

أحايل فيه لكن عارفو …….Will refuse

اشتكي للظلمني وليه……… I accuse

القليب ما قادر المو

اصلو مجروح جاري دمو

ضربو زايد.. قاسى همو

قالو سبب الرجفة والموت

كل ما اقول للناس كلام الناس تقول لا ما كده
كل ما اقص لى بنطلون يطلع قصير ذى الرداء
وكل ما اقول جبتا النجاح تطلع شهاده مقدده
اه يا مغص اه يا آلم اه يا ندى

سيد بشبش سيد بشبش عامل حازم وسيفه بيرقش
أمره بيمشي وكفه بيطرش وعينه الحارة في يوم ما بترمش
عند المكتب رسمي بيغضب جوة البيت يرفس ويضرب
وسط أصحابه بيرقص ويلعب راجل نكتة وصاحب مقلب

ألا لعن الإله مخدرات جلِبنَ وكان أخطرُهن آيس
تغلغل في مدائننا بعمق فساداً في شبيتهن عايس
فذاك الشاب منغمس بلهو وطول الليل للتخدير كايس
يفحط في الدروب كرانجروبر ويبرك في المواقف مثل هايس

رافعة دون أسباب نخرتك قاصدة تعذيبي ونجاضي
فاكرة نفسك نانسي عجرم ولا بت سمسار أراضي
قايلة نفسك كيلو لحمة ولا كرسي ف حفلة فاضي
ليكي في ستين بقولا وليك بسجل إعتراضي