أختي حبيبة قلبي

عندك زولة قريبة وسمحة

وكل ماتضيق دنياك بتجيها؟؟

ولمن تفرح جداً برضو

تشيل الفرحة وتجري عليها

بت من روحك وفاهمة جروحك

وكل اصالة الكون في عينيها

زولة تشاركك معني الدنيا

وتحلي حياتك بين ايديها

البتهوِّن ليك القاسي

وتصنع منك كائن أفضل

مهما تتوه تلقاها مراسي

وتدفع خطواتك للأجمل

في كلماتا بساطة تريّح

ومن بسماتا وذوقا بننهل

اختي حبيبة قلبي الغالية

روح الحاضر والمستقبل