يا طالع الشجرة

يا الطالع الشجرة

جيب لي معاك خِيمة

تســتُرْ من المطرة

إن كبَّــت الغـــيمة

جيبلك معاك قمحات

قمحاتنا في الشيمة

وغنم الحَلِب رايحــات

ضـلَّمْنـَا ضِـلِّيمة

خيمة الشحودية

دَفُو مــا بتَدَفِيكا

ولبن اليهـــودية

بلــدك ينسّـــــِيكا

قمحاً من امريكا

خاذوق ضرب فيكا

غير خير بواديكا

مـافـــي اليكفِّيكا

***

يا طــالع الشجـــــــرة

من خيمتك التوبة

جيب لك فروع خضرا

أو جافَّـــة يادوبة

في الحرَّة في المطـــرة

في عِزْ بَرِدْ طوبة

نمْرُق مـن الوَكَـــــــرة

وتبْقالنا راكوبة

يا طالع الشـــجرة

قبِّل على الحِلَّة

قول ليها يوم بكرة

كُـرْبتْنا تِنْحلَّ

ننزِل نضـــــوِّيكي

ضِرْعاتنا مادِلَّا

قادرين نســـوِّيكي

وعُقْبان عَلِي الله