زعلان منك

زعلان منك أي لأنك

ما هببت قوافل شوقو

ولا اكرمت رسايلو الجنك

لا عوافي ولا كيفنك

يجري يلاحق في السُفار

العائدين والجايين منك

قبال ياخد خبر البندر

شوقو يصبقو وينشد عنك

يلقى حنينو إندردر ساكت

تاري البندر ودر حنك

تاريك ناسي في ليل الغربة

حال الناس اليوت طارنك

طاري عيونك لما تستف

تمسح دمعة التانية تقطر

نزف وداعك لما شعاعك

ساب الحلي ضلاما معكر

فد جوابك طمني عليك

وصهين تاني بقول مشغول

ابحت ليك العذر براي

وأبعت ليك الشوق على طول

فكر أكنك في الطوّالي

بيسأل عنك

عبأ رسائل فوقا رسايل

يا متجاهل كل الجنك

لو كان قايل صدرو الماهل

ما بالساهل يسأل منك

ضايق صدرو وبي طول صبرو

وماك حجر من أيدو يفنك

إنت بشر بى كل ظروفك

حر في جودك حر في ضنك

ما بتربع يرجى حروفك

ولا يشابي على غيم دنك

ما بتضرع شان ما يشوفك

عندو كرامة تبدل حنك