يا حبيب الروح

يا حبيب الروح يا الملاك ذوقك
روحي مشتهياك ميتة بي شوقك
يا قميري الدوح سوي لي قوقك

دوزن الالحان زي جمال طوقك
اوصل المعشوق اغشا في مروقك
قولو بي التحنان الفي معشوقك

انت يا الالماظ يا الفريد نوعك
قلبي اصبح ليك قودو بي طوعك
كم هلكنا الريد وانت في ربيعك
فرحة الايام بيك وبي رجوعك

اصلو قلبي معاك لو تشيل خوفك
بي الصبر برجاك اصلو ما بعوفك
نحن منظورين وانت زاد طوفك
امتي لينا تحين لحظة و نشوفك

اه انا التعبان وانت في روقك
قلبي بالحرمان اضحي محروقك
الأدب حافيك والجمال فوقك
الله يجمع بيك نلحق ونسوقك