بدري
اسلام النحاس
دغشآ بدري والقمرية صوته يقوقي
وصوت محبوبي يا خلاي طابق فوقي
قدر ما اجبد الاشواق تناتل فوقي
كملنا السهر ونسنا طيف معشوقي
وااااه من الريدو فوق عيني ما بندسه
واهااااات جقلبن فوق النطق بي همسه
انا حين نادى يا اسلام بقيت منطمسه
حتحت حيلي دلدل للحواس الخمسه
وانا واااا حري من السمحة فوقو القامة
عينيو حين تدور تكسر سراج لجامة
الدود اب هناش صنقر كما الخيامة
صقرآ فوق سما البلد المعلى مقامة
ود الاكرمين الشينة تب مو هيلو
دراج المحن فاضت كما موج نيلو
نألت من نظراتو وعيوني تسيلو
لاتقبل قفاي هاك قلبي قبل شيلو
شال لحظي شال عيني شال الشالو
وانا انشليت علي الصابح مناي منالو
اكان ختينا ميزان للتقيل مكيالو
ان الخلوق بي كوم لي كومو تب مو كالو