يا بنفسج
ماجدولين سعد
يا بنفسج
تاني ما تقول ليا شكرا
انت زولي الفيني بنسج
بسمة تمرق بي تبرج
لما تشرب بن عيونك
ما بتخجل
تبقي واحة
بسمة ساحة
فيها كل الناس بتقعد
شان عيونك
كيف بسوقك في مداهو
كيف بوديك للسعادة
تلقي كل الناس وراهو
كيف براااااهو
كيف بيقتل حزني عمدا
يا بنفسج
بيك مراكب خوفي عدن
سيل مواجعي الفيني هدن
و كل زهور الدنيا هدن
فيني لون اسمو السماحة
يا بنفسج بي صراحة
بي صراااااااحة
بن عيونك
كيف بوتر كيفي جدا