شهد الاماني

انت ياشهد الاماني

ياصفق ريدي المندي

ياشموع اعياد هوانا

واجهي الريح بالتصدي

شيلي إبرة شوقنا بيها

خيطي الفجوات وسدي

وللمقادير ماتخافي

صاعا بي صاعين تردي

أصلو هي الاقدار عنيدة

مابتوريك وين تودي

ولو تلاقيك العواصف

بالعواصف ليها هدي

هي العواصف طول عمرها

ليا كان باقيالي ندي

ولو جرس اشواقي رنه

ياخ حلفتك تردي

أصلو جاييك بالمحنة

دار يخاطب فيك نبضي

والكلام الماحكاه

برضو ليك بحكيه صمتي

اصلي لي ريدك مقدر

وانت لي ريدي إحترمتي