ذوق مني و كرم

ذوق مني وكرم..

سويتلها الفي عرفتي

سوت عرفت الغنه

في الصبي المابدوره

فااااالحه ….

تفن قفاي بي الوجعه

واستكتر عليها غبايني

وامرق بيها لي كل الخلايق نوره

يسلم هالضراع..

يامشتراو بي المحقه

… وارتق في خلاك

واهو بندهوك معموره

كشكااااره

بتشرع اربعين باب

للقبل

مو ليٌا..؛؛

هايناني

وتعذ كل الغشاها يزوره

سيبك منها واسترني

مايزيع الغبن

قلب الرجال مطموره

نحنا هديل كده…

بنتقدمك في الضيمه

انتي معانا كيف…؟

عين الزمن سبوره

بقروك البجو

وفحواك معانا حلاااتو

سالمه هدو وقفاك

حزمة قلوب مكسوره

مافيش بينا لوم

عاجبانا مهما تسوي

تيربناك خير

وحلمنا بيك مستوره