شمس دورين
سلخ جلد الحنين ضيك
سأل جوايا صوت الريد
صحيح ضي الحبيب زيك
وكت لفحنك الغيمات
سمع رغم السكات عيك
ولاني رخيت أضان الشوق
وكيفنك وإزيك
ولا برجالي زرعة صي
ولا طلاها يوم ريك
مخير في قعادك فوق
ولا قصر معاي كيك
دحين ما شايف المعشوق
ولا عاينلك أو حيك
ولا يوم وانسك داناك
وزاور في ربوع حيك
ها ما ترد كان ترد الروح
على شهقة غناي بي نمة
وساعتين المجابدة تمضي
وأمرق من جواي الزمة
وأنضم بالعدم فد بيت
وأنجد توب قصايد وعمة
وأنفض باقي خوف جوايا
وأزرد كل حنين وأنلمه
وارجاك في الزمان الجايي
فرحا” للمفارق همه
وينك والصبر ماكل
وكلما اعقدك تنحل
لمآح والوصف ممحوق
وجواك العشق منسل
وحلفتك عليك الكان
أرمي علي شعاعة ضو
عشان اعرف بإنك جاي
أو ناولني حبه حس
ارجح بيهو حس مغناي
منحتك حق تفوت لكني
ما كان عندي عندك راي
وسميتك شمس دورين
وكت صغر العشق جواكا
قام كبر العشق جواي
بعاين فيك ماش لغروب
وخليتك تفارق ساي
وحارساك والصباح أبواب
بصبر في هواي ببكاي