ما محتاج لي سكر زاتو

ما محتاج لي سكر زاتو

حتي ملامحك لمن تزعل

ياااااخ الزعل الفيكا حلاتو

ونور القمر الساطع فينا

شال من زاتك انت صفاتو

يوم فكرت ارسل شوقي

الكلمات في الدفتر جاطو

نسو مرسال الريد المني

قيلو عندك قعدو وباتو

ما قالولك اني شهيدك

واكتر من الناس الماتو

باني ليك اوضتين في روحي

قايم فيني الريد ساساتو

انا طبلتك جوه حناني

اسع وين مفتاحك زاااتو

خلي يضيع تفضل مسجوني

فكري عليك قفل باباتو

انت صراحه قلب كياني

وقلبي معاك هديت حاجاتو

زي تلميذ قاعد قدامك

واجب حصة ريدك فاتو

سلم ليك امرو وإستسلم

راضي ظروفك مهما جاتو

احلا من الاحلام انا شايفك

وشايف الواقع زاتو حلاتوو