خلينا نصنع ذكريات

هو الباقي من ايامنا كم ..

عشان نعيشا جفا و خصام

و همومنا ناقصة نزيدا هم ؟

م كفاية يا غالي الملام

هو الباقي من ايامنا كم ..

و اللحظة بالافراح تروح

و نعيشا بي دمعة و عذاب ..

دائما نفتش للجروح

خلينا في الايام نعيش ..

بالبسمة و الوش الصبوح

خلينا نصنع ذكريات ..

حتخلي في ايامنا روح

الدنيا بين ضحكة و دموع ..

سايقانا نجري مع السنين

و كتير بنتناسى الحنان ..

و نطرا المواجع بالحنين

ليه نربط الريد بالدموع ..

بالقسوة و الأسى و الانين

هي الدنيا فاضل فيها كم ..

يا غالي وين البسمة وين

مين ضامن إنو نعيش كمان ..

قدر الليالي الروّحت

و شنو البيستاهل حزن ..

و قلوب تكون إتجرّحت

وين إبتسامتك يا جميل ..

اللمحبين فرّحت

خلي الليالي تكون جمال ..

قدر الأماني اللوّحت