دعت السموم

(الصعود..من باب تحت)

البله..ود عوض..الكلس..

صاحب ..مقالات..الفلس

هو الاكتشف..انو

السحاب..سبب المطر

وانو الزعل اكبر..خطر

ومنو احترس

رغم..انو مافي يوم

درس

بس..اكتشف..

انو الجرانايت

بزر..

ممكن يتيرب..ونزرعو

ونصدر

المنتج قطر

وحاجات كتييير

..في

المعرفه.

.وحاجات..اظن

مابيعرفا

من..بيت نمل..كان

الحدث

البله ود عوض الكلس

لملم ..شنطو

..وستفا

ايش معني.. نطلع

للنجوم

؟

ونعبر جميع..الاغلفه

؟

ماالارض..دايره

مكوره..

في نصف..قطرها

عاد نحوم

نحفر..تحت.

خط..مستقيم

لا..طايره

لاصروخ يقوم

من نصف..قطرنا

نبتدي

الدايره لامن تنتهي

القمرة نحنا نصادفا

ما الارض..دايره .. علي

العموم

واهو باب جديد للمعرفه

نظريه..الدعت.السموم

قال..لازم

..اننا..ننتبه

للحفره تبقي..مثلثه

واللجنه..لازم تدعمو

وادو طلبت المدرسه

من الصباح ..حدي الفطور

وادو طشت

نظريه سموها

الطلوع..من باب

تحت

مرت شهور.

.والكل

حضور

المويه جات

والبله نازل لي تحت

الولدو..شاب

..والعمده

مات

والبله نازل..لي

تحت

طلع الحجر

..والبله

نازل..لي..

.

نزل..المطر

..والبله

نازل لي..

رفع الحظر

..والبله..

نازل لي…

تحت

اللجنه..من بعد

الف..عام

والحله..تعبت.

.في

النظر

البله..لافي

قمره بان

وفي الحفره..

زاتو ولاظهر

البله..غاب

..الماهوان

البله..

صاحب

رؤيه..البر والامان

صاحب ..روايه

الانتحر

هو المكتشف

..انو

الجرانايت..بزر

الدغري..انوار القبس

دا البله..ود عوض

الكلس