بس برضك بقول نستاهل
أبو الطيب العباسي
إحنا إذا الكبار دعونا
أو بكل بهايم الذلة
زي كل السغار سعونا
طالما كل صرخة تدوي
من اي زينة واي زيتونا
أو كلما تنيش رصاصة
راس عوضية أو ستونا
أو كلما يذيع الرادي
موت قيمآ عليها نشونا
كل واحد بربع ايديه
ويغني الشر بعيد اختونا
باستمخاااااخ ويقول انا مالي
ماها ف حلتي ولا كونا
لامن يقولو ليه في حيك
ادانا الشمار امونة
يستعدل ويقول انا مالي
ياخي ومال شمار أمونة
طالما النيشة ماف حيشاني
لا فتح الجراح في قونا
مااابخللو وبقولو الزيطة
أمغبي و شمار امونة
من بطن ام بيوتك جاية
بي ذاتا وصفاتا ولونا
داك اصبع شقاها الشاقي
عين ضهر السما ودلقونا
عاد الشورة كيف يومداك
منو الصالحين يحجونا
أيام الله لا ورانا
لانشوفن ولا يلاقونا