بصراحة شديدة

خليك واضِح أبقى خير

يخشُوك اصحاب كل شر

خليك واضِح زي بياض لون الزفاف

او دخري زي حُباً دخل قلب البريئين النُضاف

عما الدواخِل وانتشر

خليك زول بتقن فنون الاحتراف

ماتخشى في الحق أي شر

الصمت في الحق انحراف

وانا بكره الزول البخاف

والمابقول الحق دشر

ياخ قُل لي شن تفرق

معاك مادمت خايف ربنا

والله قول الحق تعيش

والناس معاك تحبنا

زي قمرة الرابع عشر

خاف الله غيرو ولاتهِم

حاول لخيرو دوام تلِم

تختاك جهنم في الحشِر