هو الكلام مرات جريمة

يعني كان لازم تقولي؟

مالو لو جاوب سُكاتِك

أو تردي بهمس خافِت

زي قِرايتِك في صلاتك

فيها ايه لو مرة شُفتِك

لي تسخِري مُعطياتِك

أو في يوم حبيت عيونِك

أو قصدت أكون حياتِك

يعني كان لازِم تقولي ؟

حقو تعرفي إني زاتِك

فيها ايه لو انو قلبِك

حبّى يرميك في شِباكي

ولا إعتبريها غلطة غلطة

بس جات من حشاكي

وأفرِض إنِك مارضيتي

إلا قلبِك إشتكاكي

ولما يقسى الحُكمِ ضِدِك

نفّسِ قلبِك بس بكاكي

يعني كان لازِم تقولي ؟

أفرض إنِك قُلتي قولِك

وردِّك القُلتيهُ ليا قالو

ليك يااااا حِلوه زولِك

أو بديتو علاقه حِلوه

إلاّ. ما تميتي حُولِك

وردة حِلوة جميلة يانعة

فجئة يعلِن ليك ذِبُلِك

يعني كان لازِم تقولي ؟

مالو لو جاوب سُكاتِك

مالو قلبِك لو تأنى

ومرّة حقق اُمنّياتِك

ولا كان خلاكي تبقي

زولا أجمل من صِفاتِك

إلاّ يوم خلاك تقولي

فيني قام أعلن مماتِك

يعني كان لازِم تقولي ؟