جهجهة
أنس عبدالصمد نجم
مرقت
من أنفاس القصيد تايهه بتفتش عشها ….
تاهت مع زخم الكلام راحت ملامح وشها
ونا كنت من خوفي الشديد بي ألمي نيلي برشها ….
(طلعت بتشبه اي شي!
ما اي شي بس أي شي فوق الجمال) ….
اتحدت القمر الطلع في ليلة الرابع عشر
…. إستأذنت قالت لي دايرة أخش جواك
قت ليها ياخ إذنك معاك … بس
قبل داك … كلمتها …
وكل المفاتيح المعاي تبع القلب
سلمتها … قت ليها
لما تخشي في قلبي الحنين …
لو شفتي سكاني القدام …
قوليلم العقد إنتهى
… لازم يعلو بالرحيل …
ليهم زمن ماكانو دافعين الإجار …
وأنا برضو
كان صعبان علي قلبي الحنين …
كان هم فيه الساكنين …
هم كان سبب كل الانين …
بس جيتي في زمنك خلاص …
زمن القدام داك انتهى …
وانا قلبي زاتو قنع خلاص
ما أظنو يرضا الجهجهة …