هل بتصدقي؟؟
هل بتصدقي إنو عيونك ساكنة معاية؟
مماشفتك رحلت منك قالت إنها بس وياية
ونور عينيك الضوى حياتي
وزاتك أصبح شي من زاتي
وإسمك عطر حتى سماية
ورسمك باين في لوحاتي
حنك عطفك . . ثمرة أقطفك
رمشة عينك . .
كل أفكاري بتسأل وينك؟
قلبي سميرك . . هو الوناسك
حت عينية بقولك ناسك
ونبضا طالع من أنفاسك
وحس متجزء من إحساسك
بشرب من عطفك حنية
ومن عينيك إخلاص النية
ليا فؤادك عندو هدية
وبرضو عيونك ليا هدية
وطلة وجهك لي عيدية
يا الخليتي الناس ملهوفة
منك تهرب بس من خوفة
جيت أتفسح في وآحاتك
إتفاجئتة . . إتفاجئتة كتير بالخضرة
ولون أزهارك وشكل النضرة
وفي ميدانك ونورو الضاوي
وحامي عرينك لاعب هآااوي
وبرضو بتسألي فيني مكانك
ولي عينيك أنا شن بتساوي؟؟؟
إسألي نفسك؟ أسألي كل الناس من حولك؟
بينهم يمكن تلقي إجابة . . ولا أقولك!
أنا بديك يا روحي إجابة
وبشري عينيك بترحابة
وجوة عيوني بتلقي عيونك
سآكنة تآاانس في أحبابها
وقلبك بين أضلاعي بيسكن
وفية تنور لينا شهابة
و برضو بتمطر من سحابة
جارية تصب شان تروي غلابة
وحبك لي ماشلت براي
من هديت لي يمة ويابا
وقمت هديت إحساسك برضو
وواجب ريدك سنتو فرضو
وكم تحنانك طولو وعرضو
ونبضك برضو
لونك بشبه لون المنقة
ياخ عدوك يستاهل خنقة
سبتي وراك الناس في زنقة
وشمعة نورك
وشوق (مانشيت) لأعلى سطورك
وعدلك لما الناس تظلمنا
ولية الناس ماخافت جورك
نحن عجزنا نرد مشكورك
وليك منحنا نفوسنا هدية
وكمل دورنا وفضل دورك .
هل بتصدقي؟؟؟؟؟
بعد دا كلو خايفها ماتصدق
تحياتي لكم دوما أنس عبدالصمد . ودمتم بكل الود ….وقالت انها مابتصدق مخيره