الحالة وصيتك علي
ماجدولين سعد
الحالة وصيتك علي
مش قلت ليك
ما تبقي اسمح من كدا
انا قلت ليك
ما تكتب الريد
في النسايم المارة بي
ما تخت عيونك في الندا
حتى الفراشة اتعقدت
هسع لزوم الشوق شنو
شن لازمت احساسي البدا
و الشوك حماية الرقة
ضد حرقة سموم متشردة
مش قلت ليك الحن هدا
انا قلت ليك
طيفك تفاصيل لي حروف متجددة
كلمت كل قصة و قصيدة و مفردة
انك كما الطل و الفراش
أصحاب زهور متوردة
ماشين كما النسمات حنان
زي ريدة فينا مخلدة
تدي الملامح لي ملامح ريدة أم
حظ ريدتي ليك
ريدتك بقت متفردة
كيتن عليك مش قلت ليك
ما تبقي أسمح من كدا