يا غيمة

انا حالي ياغيمه

وين ماتصبي معاك

اشواقي صبابه

مكتوبي اباري هواك

لما الفرح يابا

اقداري.. اهوي حبيب

لي حبي اتنكر

واقداري شمسي تغيب

كل ما الصباح اظهر

وافراحي تبقي قريب

ترجع تسد بابا

واحلامي تتبخر

انا حالي ياغيمه

غيمه وسحاب رححال

زار الارض في صيف

كانت السحابه محال

حلمت يزورا خريف

الا الحلم ماطال

واشواقا شالا الطير

يافرحه كضضابه

وكان الحزن هططال

ياغيمه صبي كفاك

محبوبنا لو يرجع

كان السفر هدداك

وين ما الليالي

تقع….

تهطل علي الياباك

زي نسمه منسابه

ويهطل.. عليك.. وجع

محبوبنا لو.. لينا

ماكان.. بسيبنا..وافوت

ياغيمه ابكينا..

لي.. كل جراح فينا

نحنا الفتحنا بيوت

وعمقنا..ترحابا

وسبنا الاماني..تموت

سبنا الاماني.. تموت

انا حالي ياغيمه

وين ماتصبي معاك

اشواقي صبابه

واقداري اباري هواك

لما الفرح يابا