شقة شنو الفي القاهرة
عبدالوهاب هلاوي
شقة شنو الفي القاهرة ؟
لو ما الظروف القاهرة
شقة شنو الفي القاهرة تصبح سكن
وتكون بديلك يا وطن
وشقة شنو الفي جدة
أو في الدوحة
أو فيلا في دبي
بتخلي بلدي تهون علي
وأسلاكا يا أجمل وطن
وشقة شنو
الفي القاهرة .. ولو ما الظروف العاثرة
لو ما عذابك يا زمن
ولو ما العلم بقى لي كفن
ما كان بفوتك يا وطن
والله لا الأكوان جميع
بي كواكبا
و بي ازهارا
بي مباهجا .. وبي مناظرا
ادتني كلها خاطرا
ولو جابوا لي جنة عدن
ما اظن أسيبك يا وطن