أنحن بخير
معد شيخون
أنحن بخير .. و نحن الخير
أريتو الوضع يبقى أخير
سلام للقعدوا تحت القصف
سلام للهجوا زي الطير
سلام للكايس اللقمة
سلام للموتو بالتقطير
سلام للعاشوا كم فكرة
سلام للماتوا بالتفكير
سلام لي جرحنا النازف
سلام لي شعب متآلف
سلام لي كل طفل خايف
و للمستشفى كايسة سرير
ونحن بخير .. و حتعدي
مدام شايف الوطن محتاج
هو الما عنده .. بس بيدي
مدام في الشدة متكاتفين
منو البيقدر يقيف ضدي
واذا كان الوطن نازف
حضمِّد جرحو بي يدي
وبدال الدم في خير حيعم
فما تشيل هم
وكل الشعب متحدي
و ح تعدي
شعب زي الدهب بيلمع
كلما تزيدو بي نارك