سمحة الخوة
نزار سراج
خاوي البقلعو التوب منهم وإكسولك
بزيدوك خير واكان ما زدت مابيحسولك
خوة ديل اصيلة ان غبتا ما بينسولك
وناس الونسة ساعة الحارة بتفنسولك
الدار السفر يساعلو زاملة وغردة
ساري الشتوى قر لابدلو من البردة
بحر الخوة ما بتغنيك عنو التردة
والاخوان معادن ولا تخاوي الخردة
سمحة الخوة في الله لاحساب لاكاش
وسمحة الخوة في الزول البقابلك باش
سمح الما بفارق اخوانو طيلة عاش
زي دي الخوة يالعباسي ولا بلاش