متين نرتاح ؟
أنس جلال الدين
متين نرتاح
ونمشي على الحقول باسمين
بعزة وجبرة كل صباح
نخفف حملنا الفي الروح
جرح مفتوح
ونبقى نصاااح
ما خايفين
من الحكم البخالفوا مدان
وهو الصاح
متين يا صاح ؟
نقول الراي
ونعزف ناي
في الليل الرصاصو بهج
وأكيد غناي وانتي معاي
حبيبتي الفي قليبي تلج
صوت نغماتنا والدوباي
ينادي على البعيد الراح
” بقيت سواح “
كل الساب فريقه يعود
معاه وعود
حبيبته الاخلصت ليهو
بقت مصباح
يضوي طريقه في العتمه
وصورتها في الحزن افراح
تمر ايام شهور وسنين
بدون ما نفقد الأحباب
ونبقى معلقين بين بين
في درب التفرقه الرواح
متين يا صاح؟