ماني التنبل

ﻣﺎﻧﻲ ﺍﻟﺘَّﻨﺒﻞ ﺍﻟﻘﺎﻋﺪ ﺑﺮﺍﻋﻲ ﺍﻟﻀﺎﻥ
ﻭﺧﺘّﺎﺭﺍً ﺑﺒﻴﺖ ﻓﻮﻕ ﻗُﺠﺔ ﺃُﻡ ﻛﻴﻌﺎﻥ
ﺻﺒّﺎﺭﺍً ﻋﻠﻰ ﻗﺪﺭ ﺍﻹﻟﻪ ﺇﻥ ﻛﺎﻥ
ﺃﻧﺎ ﺃﺑﻮ ﻓﺎﻃﻨﺔ ﻓﻲ ﺍﻟﻴﻮﻡ ﺍﻟﺴﻴﻮﻓﻮ ﺳﻨﺎﻥ
ﻭﻗﺎﻝ:،
ﺃﻧﺎ ﻣﺎﻧﻲ ﺍﻟﺘﻨﺒﻞ ﺍﻟﻔﻲ ﺍﻟﺒﻴﺖ ﺻِﻨٍﻌﺘﻲ
ﺣﻠﻴﺐْ
ﺑَﺪﻭﺭ ﺍﻟﺸًّﺪّﺓ ﻓﻮﻕ ﺇﺑﻼً ﺷﻮﺍﻓﻲ ﻭﻧﻴﺐ
ﺇﻥ ﺣﺮًّﺕ ﻧﺨﺖ ﺍﻟﺸﻜﺮﺓ ﻣﺎ ﺑﻨﻌﻴﺐ
ﻭﺇﻥ ﺑﺮﺩﺕ ﻧﻜﺎﻓﻴﺒﻬﻦ ﺳﻮﺍﻟﻒ ﺃﻡ ﻃﻴﺐ
ﻭﻗﺎﻝ ﺃﻳﻀﺎ:
ﺍﻟﻠﻴﻞ ﺣﻴﻠﻮ ﺭﻭﺡ ﻭﺣﺲ ﺳﺮﻭﺟﻨﺎ ﻳﺒﻨِّﻦْ
ﺟﺪﻉ ﺍﻟﻨﻤّﺔ ﻭﺩ ﺃﺏ ﺯﻳﺪ ﻭﺻﻮﺗﻮ ﻳﺤﻨِّﻦ
ﻧﺤﻦ ﺍﻟﻜُﺴًّﺮ ﺍﻟﻨﻈﺮﺓ ﻋﻴﻮﻧﻨﺎ ﺗﺠﻨﻦ
ﺩﻳﻤﺔ ﺩﺭﻗﻨﺎ ﺑﻲ ﺩﻡ ﺍﻟﺮﺟﺎﻝ ﻣﺘﺤﻨﻦ
ﻭﻟﻪ :
ﻛﻢ ﺷﺪﻳﺖ ﻋﻠﻰ ﺗﻴﺴﺎً ﺑﺴﻮﻙ ﺍﻟﻨﺎﺏ
ﻭﻛﻢ ﺟﺎﻳﺐ ﺯَﻣَﻞ ﻣﻦ ﺍﻟﺮَّﻫﺪ ﻛَﺴّﺎﺏ
ﺣﺪﻳﺚ ﺍﻟﻨﺎﺱ ﻛﺘﻴﺮ .. ﻣﺎ ﻋﻨﺪﻱ ﻟﻴﻬﻮ
ﺣﺴﺎﺏ
ﺇﻧﻘﻄَﻊ ﺍﻟﻠﺴﺎﻥ ﻳﺎ ﻓﺎﻃﻨﺔ ﺃﺑﻮﻙ ﺇﻥ ﻋﺎﺏ
ﻭ ﻟﻪ :
ﻛﻢ ﺷﺪّﻳﺖ ﻋﻠﻲ ﺗﻴﺴﺎً ﺑﻬﻤﻚ ﺍﻟﻐَﻠﺔ
ﻭﻛﻢ ﻏﻮَّﺹ ﺑﻬﻦ ﻻﻣﻦ ﺷِﻬﻴﺮﻥ ﺣﻞَّ
ﻭﺩ ﻣﻜّﺔ ﺑﻴﻘﻮﻝ ﻳﺎ ﺧﺎﻟﻲ ﻛﻴﻒ ﺍﻟﺤّﻠَﺔ
ﻣﻦ ﺳﻮﻗﻬﻦ ﺣﻠﻒ ﺑﻠّﺎﻝ ﺟﻨﻰ ﺧﺎﺩﻡ ﺍﻟﻠﻪ
ﻭﻟﻪ ﺍﻳﻀﺎ :
ﻛﻢ ﺷﺪﻳﺖ ﻋﻠﻲ ﺿﻬﺮ ﺍﻟﺒِﻬﻤْﻚ ﺍﻟﺸﻮﻙْ
ﻭﻛﻢ ﻛﺮَّﻑ ﻗُﺮﻭﻧﺎً ﻋَﺒَّﻜِﻦ ﺩﺍﻳﻮﻙ
ﺃﻣﺎﻧﺔَ ﻳﺎ ﺣﺴﻦ ﺗﺎﺧﺪ ﻋﺸﺎ ﺍﻟﻮﻟﺪﻭﻙ
ﻳﺎﺗﻮ ﺍﻟﺨَﻠَّﺴﻚ ﻭﻛﺖ ﺍﻟﻌﺴﺎﻛﺮ ﺟﻮﻙ؟