جد حبيتك

انا حبيتك

جد حبيتك

كنت المدرسة والاستاذ

والطبشيرة ولون الدفتر

وحصص النقة وطعم القنقر

ولعب الميس

وشفع ريدة ف صف العيش

ورغم قساوة الزمن الاشتر

كنت بذاكر وكنت الطيش

كنت الطيش

كنت الطيش

لاني بذاكر جوة عيونك

وما فارزالي كتاب او حصة

وكنت بشخبط في الكراسة

هم الريدة الما بتدسة

سمعت الحب ناداني تعالي

قولي الكنت بقول فيو اسه

قتلو كت بتقولي بريدك

وانا حسيت الشوق والهمسة

وفجأة الصوت جواي اتحول

وبدا احساسو يضج اتغول

وشفتني واقفة وسط طابور

والاستاذ فارد جنحاتو

وصوط النيمة العاتي حضور

وكم الخوف فاتح ضرعاتو

وكمين وجعة وصاحبات زور

بضحكو من احساسي الكنتو

لمن شفتك فيهو حضور

وكيف يا روحي تغيب عن روحي

وشوقك في كل ثانية بثور