دليلنا

الشاعر عبدالوهاب ودالسميتاوي الربيقي
يمدح الدليل : عبدالقادر ود خاطر الربيقي

عبدالقادر آبَزُّورنا نَوَي بي الفَزَّه
داير يبعِدنا من دور ام حويجباً نَزَّه
رشيد وصميم وقول بي الفاضيه ما بِتْمَزَّه
لي دورهِن بقول للراعي اعَقْلْ ابوخَزَّه

لَفَحْ اُم تاج اخو شُكْلَه الطعامو موفِّر
ابَعَدْ ناينا من شيكة التَّمَلِّي مغَفِّر
نَزَل الليله في القايِم عَضِي ومِتْقَفِّر
دَزَّ جمالو لي اكال السَّحيَّه مسَفِّر

نحن دليلنا ما بِتْطَّارَق
لَفَحْ السَّرْجْ علي شوشة الخبيبو مَزارَق
رَكَّبْ دورو لي الفَجَّ السحاب واتبارَق
عيطتو بتَعْدِل القَطَع المداهيج فارَق

نحن دليلنا مو الحَرَسْ البنات لي الوَرْدِي
لَفَحْ اُمْ بُهْيَه فوق ضَهَر ابْ سبيبةً قَرْدِي
الساعه رَمَاها جادول عِنْ زِريدْة البَرْدِي؟
ولاَّ تَكَاها مِن كَنْتوش وعاني التُّرْدِي؟