بعد نتفارق

ما معناها بعد نتفارق ..

أسال عنك و ما بترد

عايزة اشوف أحوالك بعدي

و مركب حزنك كيف بتعدي

و اصلو الفرقة الجات جرحتنا

لا بي يدك لا بي يدي

قلت أشوفك كيف يا غالي ..

و إنت مصر لي بابي تصد

ما معناها بعد نتفارق ..

أسال عنك و تابى ترد

اتذكرتك و انا سرحانة ..

و اتذكرت عهودنا زمان

كيف حنكون في جنة برانا ..

و ما بنتفارق مهما كان

و انو هوانا حيبقى دوانا ..

و كيف حنبدل خوفنا أمان

أتذكرت و قلت أشوفك ..

هل بسهولة نسيت الكان

و أسال عنك و ما بترد

ضل الشجرة التحتو قعدنا ..

هسه خلاص اتفرق ضلو

و كل الناس الرادو بعدنا ..

ما قادرين يتخيلو أصلو

إننا من الريدة بعدنا ..

نسينا الريد و التحنان كلو

و غريب يا غالي بعد ماضينا ..

أسال عنك و ما بترد

أصلا انا فاقداك يا غالي ..

و عاوز أطمن أنك فاكر

و عاوزاك تعرف كيف أحوالي ..

و اني كتير بشتاق و بساهر

و عارفة فراقنا و كان في بالي ..

و عاوزة اتأكد انك غافر

للأيام و ظروفنا الكانت ..

و تغفر طبع الزمن الجاير

و أسمع صوتك لو بي كلمة ..

و ما اتخيلتك لي بتصد