أيامك ديل

(أيامك ديلا) مُسْواكَكْ طَروقَةْ نايْبَك
واني مكازيكا في سَنْ البِكار ونقايبَك
تتضامَر واقَصرِّ في البُطان اللايبَك
الرّجَع البلد ما جاب خبر لحبايبك

الشاعر : فضل السيد ود مُضْعِن الهواري

( أيامك ديل ) تغادِرْ في الجَمَلْ زي حاقرو
بنهاك مِنّو تبرُك بي صعيدو تناقرو
سَقَديب المِعَضّيهو الحِجِلْ فوق داقرو
جاب من دومك الحِبِرْ المهاجِر فاقرو

الشاعر : مُحُمَّد ود بِعيبيش السراجابي

(أيامك ديلا) لي سيدك بقيت بِتْصاوِل
وراسَك رافعو للحَرَكه البعيد بتزاول
بَرَروبة البِتَرعي عَفو ومحاربه العاوِل
عليها ايديكا واحده تكيل وواحده تناوِل

الشاعر : فاروق ود المراد المجنوني