اسم الكاتب: ghaydood

يا رفيق الخطوة
لو عزّ الرفيق
يا بشوش العشرة
والحس الرشيق

ومرقنا من شرف الرهان
شرّينا فى التعب العراريق
ساقونا فى الليل للبُطان
وركزنا جلابة ورقيق

ﻋﺪّﻯ ﺍﻟﻨﻬﺎﺭ ﻭﺍﻟﻤﻐﺮﺑﻴﺔ ﺟﺎﻳﺔ
ﺗﺘﺨﻔﻰ ﻭﺭﺍ ﻇﻬﺮ ﺍﻟﺸﺠﺮ
ﻭﻋﺸﺎﻥ ﻧﺘﻮﻩ ﻓﻰ ﺍﻟﺴﻜﺔ
ﺷﺎﻟﺖ ﻣﻦ ﻟﻴﺎﻟﻴﻨﺎ ﺍﻟﻘﻤﺮ

حظك كدا..!
حزنك
ولا بشيلو الفضا
جرحك

تعاليْ
نُمرّن أشواقنا
كيف ننجو
إذا الليل أرخى

انا وامي
زي واطة ومطر
تضحك ، بخدِّر
تبتسم ، كالعادة يملاني البطر

فت مني وانتكيت
خليتو جرحك فيّ ينتح
ومرات يتاور
مت كيفن وانكفيت

الوكِت داك
كانت المرجيحه
من سعف المطايبه
والظنون كان لسّه ما كبرت
ولا قشّ الزعل

البارح عصفورتك
ركت في البال
رقصت
وأدت عصفور الريد شبال

مالو لو كان بالتمنِّي
مالو لو الحظ محايد

مالو لو طاوعني فنِّي
والغنا الغنيتو فايد