القبة الجواها نبينا
طال شوقي القعاد أبي لينا
بسم الله يا بارينا
ندعوك الصواب ورينا
سي أعمالنا لا يبارينا
ومن كيد اللعين وارينا
أنت عليم وعالم بينا
بأوجاعا فينا دفينا
ليك حمدنا منك رضينا
يا مولاي أرضي علينا
كل الصابنا من أيدينا
ليك ضرعنا معترفينا
أمنن يا كريم جود لينا
توبة وبيها فزنا نجينا
ثنيت بحبيب بارينا
والد السيدة والسبطينا
يوم الناس غاطسة في طينا
جاها الماحي وحلحل دينا
في خمسين وضع ياسينا
ضوع مسكو وفاح ياسمينا
الخيرات أتتنا سمينا
وزال المحل الكان سنينا
أنوشروان يا عارفينا
هد إيوانو طاح أرضينا
الكان موقدة ألف سنينا
خمدت بحلول ياسينا
نبياً رافي مو مجافينا
أرحم لينا من والدينا
حبو الجوة ماكن لينا
جوة صدورنا مجون فينا
نبياً حير الواصفينا
عن أوصافو طر قاصفينا
لولا صفاهو قط ما صفينا
صفي قلوبنا وأتصافينا
نبياً بالعفاف كاسينا
زال أحزانا وكل مآسينا
يوم نصب الصراط سنينا
نبي الرحمة ما ناسينا
هاك من أيو اليسير يا أخينا
لاقدامو الحجار تلينا
درر شاتا عجفاء سنينا
وعودا ثاكل أن أنينا
نعم أصحابوا الماها ضنينا
شايلين للبتضوي سنينا
علي أعدانا منصورينا
عزوا رسولم نصروا الدينا
الليلة البريق طارينا
طراني الرؤوف وحنينا
ودر للمنام في الحينا
حجة وجمعة بالسوحين
الصلوات مني حسينا
والتسليم يزيد تحسينا
عد ما يتلي آي ياسينا
بن كنيش حوي ياسينا