الغزالات

الغزالات القُعادن

فينا زي مسحة جبين

الأصيلات

اليقاسمنّك ثواني الليل

ويملنّك حنين

انا كايسن

ديل الورَد

ذكْر اكتمالن في النصوص

والبي مدايحن

اتملت راحة السنين

البسْرحن فينا

ونهِشلهِن الدموع

الما انعرف ليهن مسارح

غير صدورنا

اليخربنّنا بي ابتسامن.

ويجرحنّنا كلّ حين

اللسّه بنريدن

وشوكاتن.

مكسّره فينا

مافي القلبِ حتّه

و إلّا فيها اتر جروحن

نمشي وين من ريدتن

ديل الغزالات.

القعادن فينا

زي ورق المناديل الخفيف

نحن التقيلين

النزلنا على قلوبن نازحين