عجال دكة

عجّال دكّه مِتبارين قَدُر ما نتَلِّب
وما فينا البخف قلبو وجِليدو بكَلِّب
ماخسّانا كان بِتْفِز وكان بِتقَلِّب
حَدْ ماترسي فوق عرقوبها سوطنا بعَلِّب

الشاعر : موسي ود محمد ود فضل الله الجَرَّاري

دايما خاطري بي الريعي ام رِهاب مِنزَرْدي
جافيتيبنا فوق مُشْرَع عَرَب ما بتردي
واحدين قالدو ام صَدَراً رمال الغِردي
واحدين قابلو العتمور وجاتْهُن بَرْدي

الشاعر : أحمد ود بشير الهواري التمساحي

خَبير اُم قُجّي شَدْ قَبَض النَجِم من حينو
سَلَمات القراريش خاطَّهِن في يمينو
الدّرب العَتَرْ حَجَرو وبِضوحو جَنينو
بيهو خَطَرنا واخوان فاطني فيهو ببينو

الشاعر : محمد ود عبيدالله الكباشي الهَوَّالي