وقفن بعيد
وقفن جميع واتواسن
الفرع الفتق كبرنو بي ضراسن
العنج المع النسام بطن بلاسن
جبدهن للملايين كيف دبل فراسن
خطفتينا وعنيتي الريع ابوعجات
يوم صباحي يوم بتقربي الاوكات
قبضتي جديكي والسراج مقيل وبات
فوق النايبو طلقة معدن الجيمات
خبيرك عندو تكتيك ياطويلة الباع
قابض دغري فوق الكبكب اللماع
شلتي هجيري اخدتي السهرتين مناع
تفتلي وتملي والعتمور بعيد لساع
التحويلها بنزل علا بي الطيران
كبيرة قايمي في الثروه وضراعها ملان
اخوان شكله ناسي الكلهن صبيان
بخلو دروبها مادات في الحجر ريقان
سلاح جاليقه مو حريبات
لطام اسيادها بي البازوقه والدانات
القف الفيه ابوالرقراق مقيل وبات
حد ماطار بعيد قطعنو منلمات
الكربه الحجرها مدقن
ام زور بارياها ولا جبالها ديل بنشقن ؟
حنن قروحن ضمرن كروشهن رقن
صبر ايوب بصبرنو الجفر مابقن
بقت لينا العصر والجو عمل كونديش
لمينا ام دهامن بحمل الدقيش
جات عاقبي الزرع خطمت نصيب العيش
شقت شقه لاحاكومه لاناس ديش
طلعت بي ام ضهير جقله الطويلي شباح
مسكت صحرا لاحلال ولا نباح
قول لي العينو زرقه وفي الكجر مرتاح
بعافرن في النجوم لي شقة البياح
انقيتيبنا يا الحنانه
سقطتينا من بلد الربطها معانا
فوق ام بابه هويتي وشبعتي مهانه
حس القده عاطت والبزر تتغاني
