سفيه الدكي
سفيه الدكي ماضاق برية ام نوتيي
عامل مهنتو البابور ابوحنفيي
قاعد عيل بحلق ما اشتغل بي سعيي
كان حاريلو قرش بستهلك الطحنيي
البهم العنقو باهي وقاود السفنيي
داير حنو لكن منو نيتو غنيي
شديد ودعيسي فوق الايدو هابقي سخيي
عقر القش والرزامه جاها هويي
اصبح داني ابودوما مشاط قادريي
نحل ابواتو ما بركب ركوب عاريي
طلق ليها ام شليخ تتنايا بي البدريي
قالت ترعي بي الريع الوطاتو عضيي
صلاتي علي نبي عيني الدوام ممليي
اني قاهراها بي الله ان بقيتا شقيي
القش الشوفتو زرقين ضلتو نحاسيي
نزل تايتو في قبال تجي رديي
زقف ضلو والناس تحتو باتو سويي
ناس الغير محايي بعالجن بي النيي
دينو وراثه مو شايل طريقو هديي
راجي من جدودو الفرعهن رازقيي
ناس المن عصر كبر وسادتو ونام
تابع الراحه من راي الفقر مو هام
صالح كرب الكور فوق ابودوام
صقع بيها لامن قابلو العتام
خاطر دوختو لي القش الوطاتو رغام
ساق من بدري قاطع ردة الحوام
جيابة الشرور مكتوبلها الاعدام
صابون الفقر من غيرها مافي كلام
الليلي ام شليخ طلقت مع السرحان
مشيها يماني قايداتنها الديران
صالح شد ابودوما صبغ قطران
حزم الناقه بي الريع الوطاتو صبان
قالت ترعي في القش العضي وتريان
تلت نزلوبها في الجادول ابوخشان
الساعه تلاتي حتين ولع النيران
هن اتباومن شافن عواشي بدان
حتين استسر بالو وضحك طربان
