لا و حبك
احتويني
يا موهط جوة خاطر الريدة فيني
و اندفق جواي اغاني
حبر اماني
كتب علي دفتر سنيني
دي البنية
الداسة ريد كل البنات البشبهن روحا النقية
و جووووة عيني
جوة عيني رسمت صورتك
جنب طيور و ورود كتيرة
و كنت باسم
فجأة جات كل الموسم
شالن انفاسك و عطرك وزعنو
كل نفس شال حتة منو
و النفوس اتطيابن شان هواك استنشقنو
و جاتني غيرة
من فرح شايلاهو طيرة
واقفة جنبك
واقفة مبسوطة بتغرد
شان دواخلا اتملنبك
و انت تضحك
بي غناها بقيت ادندن
لاااااا و حبك
لا و حبك
في الحقيقة بقيت اطنتن
يا غريرة
قايلة كل محبة حلوة بتلقي خيرا
اسمعيني
امشي غاااادي
و عايني بس لي طيف حبيبي
و شوفي بشبه ليك شنو
صوتو هاااادي
ضلو نادي
فيهو حنية اهلنا
قلبو نيل
عين حبيبي عاكسة شوفا علي المحنة
و ده الكتلنا
ثم احيانا و خجلنا
دنقرت فينا العواطف
و انتكت في ضل املنا
ياخ حبيبي
عندو صرة تفك زعلنا
نقعد اليوم كلو نضحك
تنكسر فينا المظنة
ياااااا خرافي
يا الغرامك امتحنا
جبنا سالب
في امتحان القوة عندك ما قدرنا
ما قدرنا نشوف عيونك
جات ريحة ريدة منك
و جاني احساس
انو روحك شمت الفردوس و رجعت
شان غرامك يبقي لي في الدنيا جنة