سلم على الطيبين

سلم على الطيبين في بلادي يا أسمر

قبل أيادي الطين تزرع حلم أخضر

ودي السلام ضعفين

لي أخوة متسالمين

زي مقرن النيلين

النيل شمال ويمين

واحد مزيج اتنين

كان يصفا كان يعكر..

إيدين غبش كادحين

زرعت قبيل بانة

مسحن دموع طفلين

بي حربة ولبانة

فردن أصابع اللين

شان يجدعو الدانة

مرقن عمار كمييين

من خلف زنزانة

شرن خدارا الزين

في الريف وفي البندر….

زولتي البريدا حبابا

قالتلي في سطرين

كل الأماني قرابة

لو تبقو متصالحين

وطن الجميع نرضابا

ولله وحدو الدين

لافينا تاني حرابة

لا خي يخش الغابة

أهل البلاد وصحابا

شعبا كلامو حنين

لو قلت مشتاقين

حيردو بالاكتر….

سلم على الطيبين في بلادي يا أسمر….