عصفورتك

البارح عصفورتك

ركت في البال

رقصت

وأدت عصفور الريد شبال

وطارت من قولة كر

ما الزول النهر العصفورة

بحرض في كلاب الحر

لابسني وداخل في اللحم الحي

راصد كل البسأل عن حالي

حرش ضلي علي

ونتف زغب الخاطرة التخطر علي بالي

ومنع العصفورة تحوم

أستجوب كل الناس البجو في النوم

ما تقوم !

يا زول يا رائع يا مهموم

يا مضيع ضي عيني وراكـ

واقف

حاحاي للنوم

يا مستف رئة الدنيا

ومشحتف روح الخرطوم