بتكتب
بتكتب
إرتجاف النبضة
ما عكر المزاج بالشوق
وما رفت رموش كسلانه
بتعاين
لبكره الفوق
بتسمع انت صوتك
كيف كيف
جديد وقديم
تهيم في فكره كورك قلبك ااالسهتان
معكر بالأمل مويتك
كان بتقدر روق
تحس نبضك بتاور ليك
أرح نفرح
تقول خايف
ارح عمرك هداك مسروق
تصدق كذبة الأحباب وتلقى عذر لكل عشوق
وياحليلك
مريض إحساس
عوير ريده
نبيك كذاب
وانت صدوق
مبيت في قفا النيمه
تجيك النسمه ترنيمه
تقولا الحلوه بي خشيمه
صباح الخير
تخلي أناك ملانه عروق
وتقرا الناس بنظراتم وتسمع كل ما ما منطوق
وتسأل هل رضاك ممكن وعارف لا لا لا بتقنع ولا بخليك قوام أحلامك الممشوق
علي كيفك تهيم تسرح، بقولو الناس عليك مج نون وات مج ذوب سماحه وذوق
تدورا براها ديك كل القلوب تهواها تخلص ليك
تعاين ليها بي ياسين تطل بين الفلق والناس ملانه جمال طمح مدلوق
حبيبتك قدر ما استنيت اذا جاتك تخلي سنين عذابك راحه
وتمد الصباح أفراح
تمسي الليل علي وشاحا
وتقبل بين رعود وبروق
بأمر الشوق تجي وتمشي وبأمر الصد شَنِق مخنوق
أبسطا ليك، في عالم تاني روحاني،
هناك روحك رضيه وما بتطمع ولا تعاني،
بس أفراح بعد تكمل بنفرح تاني،
مافي حلال وما في حرام ومافي معاني،
سلام كامل ووجداني،
وكل الحب وكل إحساس كرم وأدب طبيعي وعادي في ومجاني
لكن إنت بين نبضك وحالة ضعفك الإنساني
طمعت وشلت وخسرت وتحاول تاني
تداقش بي مشاعر منها الصافي وفيها الكيف وفي المافي
وتدخل بي قلب قلقان
تداقش في قلوب السوق
تحس نبضك بتاور ليك
أرح نفرح
تقول خايف
أرح عمرك هداك
سمروق