شوفوا حل لليهود

حبّة خلّو الضّحِك … دندنات الغنا

شوفو حلّ لليهود ..

اليهود هناك واليهود هنا

أنسوا بنج الإدانة ودِرِبّ المنى

الخطابات مهانة الهتاف مسكنة

ياتو فايدة في صلاة من سكارى وجنابة زنا

و واقدة نار المجوس جوة قلب أرضنا

قلت ليك: لا يجوز البلد أمِّنا

قلت لي: ساس يسوس والمعاك ضدَّنا

قلت ليك: نحن ديل في رقبتك أمان إنت ضيّعتنا

قلت لي: ياتو ليل ساسو ما من هنا؟

اليموت السلاح

البضادي الكفاح

والسّمالخائنة

والتّموت الكلاب

التعضّي الحمام

و الذئاب آمنة

و اليموت الغنا

طالما إستباح الشعوب سكّنا

واليموت أيِّ شي

طالما مافي شي

خلّي لينا و الحياة والنجاة مُمكنة

عاينو ديك الولاد غشتُنّ السّنة

ناضمة في امرالجهاد شان تعيش كم سنة

وقد تموت البلاد كلّما مات جنى

وكلّما قام لغم كلّما قام لئيم مستفزّبالـ أنا

لااصح من نعم قولا ما أمكننا

قولا طال الطريق والخطل الآسنة

م بتطفّي الحريق دندنات الغنا

قوموا خلّوا الضِّحك ..دندنات الغنا

شوفوا حلّ لليهود ..

لليهود الهناك .. واليهود الـ …