أهو اليوم عدى
ود مسيخ
اهو اليوم عدى ساي حب وانبساط ومحنة
لا لبسنالو أحمر ولا وردنا اتحنة
الولد البريدكن ولي سعدكن غنا
ما بسيب عادة اجدادنا ورباية اهلنا
ياتو الأمو جابوله الورد في اعيادة
وياتو الامو ما عاشت سرور وسعادة
السودانى مهما في جفاهو اتماده
عندو الحب وتقدير القوارير عادة
بنهديهن تياب لامى ودهب لازردي
ونأكلهن كباب حلة وصوانى المندي
وكان كعب الزمن ووليها قال ما عندي
تصبح عائسة فوق لهبة دواك الهندي