وَآ شُوقِي علي أحَمـــــــــد نَبي الخيراتْ
شُوقِي علي مَنْ جانَا بِالبَركــــــــــــاتْ

عَزمَ الرَّاوِي للقُومَـــــــــــة في سّيراتْ
طَوَاف البَيت وَالوقفَة في عَرفـــــــــاتْ
أكرِمُو يَا كَرِيــــــــــمْ في مِنيً بِبَياتْ
أعَـــــــــدِل لُي طريقُو وَسهّل الحَركاتْ

أقبل مِنُّو سعيُو وَحسِّـــــــــــــنْ النياتْ
وَأمحالُو الذنــــــــوب الفَاتُو وَالجاياتْ
سائلك تاني يَا كـــــــــــــــريم هِباتْ
في الدارين يَفُــــــوز بِأعظم الدّرجاتْ

ثنيت بالرّسُــــــــول أحمد نَبي الخيّراتْ
رُكّازتنَا يوم الأمَّـــــــــــــة في لمّاتْ
مَرسُـول من رحيم للعالميـن رَحمــــــاتْ
عَدَلَ المِلَّـــــــة وَأحيَ الدين بَعد مَا ماتْ

يُوم وضــــــــــع الرُّسول البشائر جاتْ
الخير اتسع وَالشُّـــــــــــؤم وَلّي وفاتْ
الكُـــــــــــــون بِ ضياء ارتقى درجاتْ
إجّمْل كيانُو وَفــــــــــــــارق العَوجاتْ

وين مثل الرّسُول سيرة الكَــــرم إنْ جاتْ
فَاق وَابِل المِطُــــــــور وَالبِحور خيراتْ
كَم زاد القليـــــــــــل بِالمسِ وَالبركاتْ
كم أدرك نفوساً جمَّة مِنْ دركــــــــــاتْ

العاقِـــــــــب وأَمِينْ خاتم لِكُل مَا فاتْ
زَاوُلُو المسافـــــــــة وَأحيُو ليهُو الماتْ
خضّرلُو الخَضار بَعدْ يَباس وَمَمـــــــــاتْ
لانت لي الحِجـــــــــار وَجادتِ العجفاتْ

شالـــــــــــن لي بِرُوق رَفّن لي برفاتْ
مِنْ جيهة اُم رِخَـــــــــامْ موطِن البركاتْ
أدعــــــــوُك يَا كريم بِ سٌورَةِ الصّافّاتْ
أكتب لي مقام جِـــــــــوار نبي الخيراتْ

الصّلاة وَالسّــــــلام لِ أحمد نبي الخيراتْ
عَدّ ذَرَّ الرِّمَال السّاكِـــــــــن وَالحَركاتْ
ترحم للعِبــــــــــــــاد وَترفع البلواتْ
لِ إبنُ كِنيش تَعُود بِالخيرِ وَالبَركــــــاتْ