ممكن تقتل زول براحة
حسام محجوب
ممكن تقتل زول براحة
من غير ما تتحاكم زاتو
وممكن تسرق قلبو تبيعو
وتمشي تلخبط ليو دقاته
وممكن زول يهواك وتخونو
وجرحك يصبح ليو مآساتو
ويفضل غصبا عنو بريدك
لانك روحو ومعنى حياتو
وبرضو بدل ما توفي وتخلص
تمشي تفتش في غلطاتو
عشان بس تثبت إنو بخونك
ويبقى ضميرك فرصه وجاتو
إنو يريح نفسه شوية
من تأنيبو ومن اناتو
ويكون عارف إنك خاين
قلبك ظاهر شديد بصماتو
ولمن عيونك تجي في عينو
إنت بتخجل من نظراتو
أكثر حاجة بتقتل إنك
تلقاهو شايلك في حدقاتو
إنت تخونو وهو يصونك
ياخي دي حاجة تحير زاتو
حاجة تخلي الواحد يكره
معنى الريد في كل حالاتو
لو كان صادق ولا مزيف
أصلو الحب متناقضه صفاتو