يا حبيبي الصيدلاني
يا حبيبي الصيدلاني
يا مركب فى كياني
انت لونك برتكاني
وحنبكانك حنبكاني
يا وتر مشدود فى قلبي
ويا كاسيت مليان اغاني
قالوا لي عينيك قلت
الله واحد مالو تاني
قالوا لي خديك قلت
آآآآآآآآآآآآآه
قالوها تاني
عدى يا رمضان عدى
ويلا ياكولرنا ابردى
لاتحرى فتطردى
اصلو عصفور صيدلاني
حلاتو زى سكر كناني
واصلو ماضاقك لساني
اصلو كيف حا تشوفني تاني
مادام فلان الفلتكاني
زي حدى من عيني ساقك
وانت ساقك برطماني
****
ياخ تعال ما تبقى بايخ
نحن ماقررنا نعمل أجزخانة
انت مالك ان شاء الله نسرق
ان شاء الله ننهب حتى من باقى الاعانة
نحن لازم نعمل أجزخانة
تبقى لناسنا التعابى
ناس توتب ناس جعانة
تبقى ضلالة ومهبة
تبقى فكة ريق وشربة
وبعرقنا وبالمحبة
بس نرصها حبة حبة
قحه حبة وريدة حبة
سلفا حبه وريدة حبة
وفى كريتات المحبة
بحروف مصبوبه صبة
ندعو ليك كل الأحبة
نسوي هيصة نسوي ربة
يغنى فيها حسن عطية
والأدارة المركزية
نورها يفضل ديمه قاطع
وانت جنبى تضوى لي
