فالنتاين

قالت : صحي النوم يا زول
عيد الريد والناس مبتهجة
مالو البال لا زال مشغول

عيد الريد ؟
السنه كم عيد ؟
ما هم عيدين
في تاني جديد
يابت معقول
ضحكت
ونغمة صوتها تغني
وقالت
: تُب
تاريك ما ناقش
عيد الحب الليله وحاتك
وكان ما ما شي
برايه بقول
بتقولي شنو
شالت عينه .. ورفعت راسه
وقاعده بتكتب في
كراسه
تكتبي شنو؟
هي يازوله دقيقه
استني
عيد الحب ده عديل محني
العيد الاول معروف شغلو
لفا طويله وحلويات
والعيد التاني
كمان بس لحمه
مراره وشيه وشربوتات
العيد التالت
فيهو شنو؟
قالت: فيهو جنس حاجات
اسكت ساكت
امشي وشوفو
وكان ما بتعرف
قلد واعمل بس
بنظام الخواجات
الخواجات !!؟
ناس عوض ود احمد
وقامت كيف
والغضب اتوحد
وقالت وصوته حاضر وبشهد
انت مطرطش ولا شنو
آه لو اعرف قبل القاك
انك فاره
فاره منو؟
اه لو تعرف قلبك صخره
وانا نواره
نوره منو؟
اه لو تعرف ؟ بس استني
آآآه انا منك
ياخ ما بتفهم
هوووووووي
يابت ما عندك شغلا
قالت : عيد والناس محتفلا
وبتضبحو ايه ان شاء لله الليله
زعلت وقالت : حاوريك
حأضبحك انت يا متخلف
وما متعلم
فلنتاين
ما تتكلم
هي ما تقولي بقولو شنو
ضحكت وقالت
“i love you”
هي يا زوله
u love me
اي لفلي اشوفك
دي براها كفاية
can i see
عيونك مرة
ابتسمت وقالت
: ههههاااااااي
yes u can
وطيب بس
ما تقولي كده
علا دقيقه عليك عينيك
عيد الحب ده
علينا عليكي
وكل سنه وانتو طيبين