سماحتك دي من وين

هو بالله حقيقي

حنينك بعذب

و بصبح رفيقي

سمح يا مهذب

براك انت عارف

اذا نور عيونك

بنور طريقي

اظن ما بكذب

وقت قلت ليك

اشتياقك بألم

و فرقة عيونك

كما نار جهنم

و شوفتك تودر

شقي الماضي كلوو

و تفرج لي ضيقي

هو شن قول غرامي

البصب ليك هامي

وقت بس تعاين

بيطعم كلامي

و بينعم سلامي

اظن يا قيافة

معاك المعاني

بيزيد احترافا

سمح بي حصافة

بدور ابقي سمحة

اريدك تريدني

ازيدك تزيدني

اذا فت مني

حنينك يعيدني

سمح بس تخيل

اذا قلبي ميل

بعيد مني قيل

بكون جاني منك

و فات ليك تاني

بعد ليلي ليل

سمح دون سخافة

سماحتك دي من وين؟

اذا ساي زعلت

تقوم الحمايم توقف هديلا

و نسايم الخريف

البجيب لينا ريحتك

بتبعد مسافة

سماحتك دي من؟

اذا ابتسمت

الوطن كلو بفرح

و ظلم اليهود البزيد كل ثانية

بيسكت مخافة

سماحتك دي من وين

اذا قلت كلمة

بتصبح غمايم

تنقط لطافة

سماحتك دي من وين؟؟